گوتنێت مه‌زنا

                 

 هنده‌ک گوتنێت مه‌زنا هیڤیه‌ بدلێ وه‌ بت











 * بلا خودێ یار بیت 
،بلا ھەمی دۆنیا نەیاربیت.
* ببە زەحمەتێ ، بخۆ نەعمەتێ.
* بەتالی خراب مالی.
* بەری ھەوارێ ، پفکە گرارێ.
* بھار گۆلە ئەسل دلە.
* بلا شێر تە بخۆت ، نەکو ڕویڤی فێلبازیێ ل تە بکەت.
* بکەڤە ل سەر دارا ، نەکو ل سەر زارا.
* مالێ حەلال ، وەکی ئاڤا زەلال.
* ھندیکە دانە یا ب زانە.
* ژئەسلی یا ب پرسە ، ژبێ ئەسلا ب ترسە.
* ل دەڤ نەزانا ، ھەمی رێک دچنە زۆزانا.
* ھەمی دار دھێنە سوتن ،بەلێ ھەمی ئاخڤتن ناھێنە گۆتن.
* یێ گرتی ب شیـری ، ناھێلیت ب پیـری !
* سەرێ ل بەر مننەتا ، بلا بچیتە ل ناڤ زیارەتا.
* کچێت ڕینگالا (بێ ئەسلا) ، ناگرن ووجا چ مالا.
* خەلک ژ چ تێر نابیت ، کەندەکا ئاخێ نەبیت!.
* فێقیێ مالێ بچویکن ، وفێقیێ زڤستانێ کۆلند و سڵکن.
* قەنجییێ بکە ، دێ قەنجییێ بینی.
* کی ب باوەرە ، ئەو برادەرە.
* یێ ب حیلە بژیت ، دێ ب فەقیـری مریت 

ده‌یکا کچا وه‌کی هرچا.. ده‌یکا کورا وه‌کی درا


ئێشا تلێ ئێشا له‌شی هه‌میێ یه


ئاڤ سه‌رو کانی یا شێلیه


ئاڤێت بوش دگه‌لیێت کیردا دهێن


ئاڤێت کانیا شێلی نابن


ئاقل تانجێ زێرینه‌ سه‌رێ هه‌می که‌سێ دا نینه


ئاقلی ژ بێ ئاقلا بگره


ئاقلێ سڤک بارێ گرانه


ئه‌ز چیا و تو چیا گولک ما بێ گیا


ئه‌ز دبێژم ئه‌ڤه‌ هرچ تو دبێژی ئه‌ڤه‌ ده‌وسا وێ


ئه‌ز دبێژم نێره‌ تو دبێژی ب دوشه


ئه‌ز دزانم ئاڤ لسه‌ر چرا دچیت به‌لێ نابێژم


ئه‌زمان و یێ بریبه‌ سه‌رو یێ ڤه‌کری به


ئه‌س نه‌ ئه‌و چیا مه‌ هه‌می که‌س سه‌یرانا لێ بکه‌ن


ئه‌گه‌ر ئاخفتن زیڤ بیت نه‌ ئاخفتن زێره


ئه‌گه‌ر باجێره‌کێ پشیک حاکم بیت مشکێت وی باجێری هه‌می گونه‌هکارن


ئه‌گه‌ر بارانێت نيسانێ ببنه كه ر دڤێت ژناڤ ده خلا نه كه نه ده ر


ئه‌گه‌ر ته‌ ده‌رگه‌هێ ئێکێ قوتا دێ ئێک ژی ده‌رگه‌هێ ته‌ قوتیت


ئه‌گه‌ر خانیێ ته‌ شیشه‌بیت به‌را نه‌ هاڤێ خانیێ خه‌لکێ


ئه‌گه‌ر خودێ دا نابێژیت تو کورێ کێی


ئه‌گه‌ر خودان به‌نکه‌کێ سورو زه‌ربا دا بده‌رێ خانیێ خو ڤه‌ بیت


ئه‌گه‌ر گورگ خه‌ما بارانێبا دا بوخو که‌په‌نه‌کێ چێکه‌ت


ئه‌گه‌ر مروڤ پیڤازا نه‌خوت بێهن ژ ده‌ڤێ مروڤی ناهێت


ئه‌گه‌ر نانێ مروڤی ذچاندکێ خه‌لکێ دا بیت دێ هه‌ر یێ برسی بیت


ئه‌گه‌ر هه‌ڤالێ ته‌ شه‌کربیت هه‌میێ نه‌خو


ئه‌گه‌ر هه‌می چیچکا هه‌ژیر خاربان چ بو خودانا نه‌دمان


ئه‌گه‌ر کرمانجی تێر خار یان دێ ژنه‌کێ ره‌ڤینیت یان دێ مێره‌کێ کوژیت


ئه‌و حه‌وشه‌ به‌لێ نه‌ ئه‌و ره‌وشه


ئه‌و خه‌م بلا بو وێ گاڤێ بیت


ئه‌و دیوانا تو نه‌خواستی نه‌چێ


ئه‌و گرێ یا بده‌ستی ڤه‌ بیت ب ددانا نه‌ڤه‌که


ئه‌و کانیا تو ئاڤێ ژێ ڤه‌تخوی شێلی نه‌که


ئه‌و که‌سێ هاری ته‌ شه‌ری نه‌که‌ت پشتی ته‌ تولێ ناڤه‌که‌ت


ئه‌وی به‌ری راکێ یێ تو بشێ یێ


ئه‌وێ بچت ماسیا دێ ده‌رو قون لێ ته‌ر بن


ئه‌وێ بخازیت رویه‌ک ره‌شه‌ و یێ نه‌دت هه‌ردو روی دره‌شن


ئه‌وێ بلند بفریت دێ نزم که‌ڤیت


ئه‌وێ دیزکێ چێکه‌ت دێ زانیت چمبلا ژی ئێخیتێ


ئه‌وێ هاته‌ همبانکێ دێ هێته‌ قازانکێ


ب وه‌ریسێ خه‌لکێ نه‌چه‌ دارا


بێده‌ر هه‌ر خه‌ما بایه


بای بر باروڤێ لێدا


بار نه‌چیت به‌ر که‌ری، که‌ر دێ چیت به‌ر باری


باره‌ قرێژا ده‌ستا نه‌ ئه‌گه‌ر شیشت چ نامینیت


بچیک فێقیێ مالێ نه‌


برا برایه‌ بازار جودایه


برایێ خراب ژ خویندارێ باش چێتره


بلا ئه‌ز خارنا شێری بم نه‌ نێچیرا رێڤی بم


بلا لاوکێ من لاو بیت بلا شیڤا من ڤه‌ره‌نک بیت


بلا مروڤ یێ مریبیت نه‌کو بن زولما دوژمنی بیت


بلا مروڤ دیکلێ روژه‌کێ بیت نه‌ مریشکا سێ سالا بیت


به‌حر بده‌ڤێ صه‌ی پیس نابیت


به‌ری بارانێ بانه‌ به‌ری مرنێ تانه‌


به‌ریکا خو ب پارێ خه‌لکێ گه‌رم نه‌که


به‌رێ ئاڤێ سه‌ر نشیڤه‌


پێت خو دیڤ به‌رکا خو درێژ بکه


پایز هات به‌رکا فه‌قیری یا درهایه


پایزه‌ و گورگ یێ حیزه‌


پاره‌ تێت و نامینیت به‌لێ مرن هه‌ر دمینیت


پاشا هه‌ر هه‌وجه‌ی نیسکێ یه


پشت دیوار ب گوهن


تێت صوتن ناهێت گوتن


تێشکێت شیێرا هه‌ر شێرن


تفا سه‌ر ئه‌ڤرازه‌


تلا خو نه‌که‌ ئاگری دا نه‌ صوژیت


تو چ بکی کارێ ئه‌و تێت خارێ


تو دبێژی به‌لێ ناپێژی


ج جار مروڤێ خو نه‌ده‌ ب خه‌لکێ بیانی


جیرانیا خوش ، خوشتره‌ ژ برایێ نه‌ خوش


جیرانێ نێزیک چێتره‌ ژ برایێ دیر


جه‌هنه‌ما ب هه‌ڤال خوشتره‌ ژ بحه‌شتا بێ هه‌ڤال


جوتیار چی یه‌ تو دچینی ؟ گوت ئه‌گه‌ر شینبو دێ بینی


چ به‌لگێ زه‌ربو دێ هه‌ر که‌ڤیت


چ دلێ بێ مراد نینن


چ ده‌رد بێ ده‌رمان نینن


چ ده‌شته‌ چ زوزانه‌ عه‌سل خودانه‌


چ کانی بێ ئاڤ نابن، چ باغ بێ گول نابن، چ دل بێ کول نابن


چیڤ ده‌رمانێ چیڤی یه


چێله‌کا هار گارانه‌کێ هار دکه‌ت


چاڤیت ره‌ش نه‌هه‌وجه‌ی کلدانێ یه


چاڤه‌ک کوره‌ بیت مروڤ ده‌ستێ خو ده‌ته‌ به‌ر یێ دی


چه‌ند بو نه‌زانا بکه‌ی یا شخویه


چه‌ند شه‌ڤ تاریبیت نه‌شێت روناهیا شه‌مالکێ ڤه‌شێریت


چوچکا ده‌ستێ مروڤی دابیت چێتره‌ ژ صه‌دێت سه‌ر دارێ


حه‌تا تو چویی حیلا ئه‌ز ژ وێڤا دهات


حه‌تا سه‌ر ده‌ستا برێڤه‌ نه‌چیت قه‌درێ پیا نزانیت


حه‌تا مار خو راست نه‌که‌ت ناچیته‌ دکونێدا


حه‌چیێ جوو جهـ ژبه‌ر چوو


حه‌سیدیێ ب شولی ببه‌ ، حه‌سیدیێ ب مالی نه‌به


حه‌فت جارا خو بده‌ ره‌ڤان جاره‌کێ خو نه‌ده‌ به‌ردان


حه‌فت خویشکا بو براێه‌کێ کر دوماهیێ مالێ وی ل پشتا دیکله‌کێ کوره‌ کر


خیاره‌ ژ تیتکێ دیاره‌


خه‌به‌ر دچنه‌ عه‌سمانا دکه‌ڤن کوشا خودانا


خه‌به‌رێت شه‌ڤ و روژا ئێک نینن


خه‌تا خار ژ گایێ پیره‌


خه‌زینا زێرا خلاس دبیت به‌لێ شولێ مێرا خلاس نابیت


خو پاراستن چێتره‌ ژچاره‌سه‌رکرنێ


خودێ دزانیت چ د دلێ ماریدایه‌ له‌وا ده‌ست و پێ دکرن زکیدا


خودێ که‌زوانا دته‌ بێ ددانا


خوش خه‌به‌ره‌ به‌لێ نه‌ باوه‌ره


دیاری هه‌سپه‌ شین دیاری قه‌سپه


دیتنا روژه‌کێ به‌رامبه‌ر ساله‌کێ


دیزا بکه‌زی دروارا بێ ده‌زی من دای دیت دلێ من ژ کچێ ته‌زی


دین هه‌می ئه‌و نینن ئه‌ێن دچنه‌ چیایی


دیوارێ سه‌ر به‌فرێ یه


دیوارو بوته‌ دبێژم پشت دیوارو گوهـ بده‌


دایی ژنبابه‌ باب بخو زر بابه


دایێ ب بینه‌ و کچێ بخوازه‌


دایێ حه‌ژێ کر کچێ شی پێکر


دابزانی ده‌و برایێ ماصتی یه


دار نینه‌ با لێ نه‌ده‌ت


دارێ ستویر نابیت‌ گوبال


دانا خودێ ب سه‌ر چ ڤه‌ نینه


داوه‌تا داهول قوتانه‌ ئه‌و بخو داهولێ لێ ده‌ت


دل شوشه‌ یه‌ ئه‌گه‌ر شکه‌ست ناچێبیت ڤه


دلێت ره‌ق نه‌رم نابن


دلێن نازک ناگه‌هیته‌ چ مرادا


دنیا هه‌ر روژه‌کێ بو ئێکێ یه


ده‌ڤ دخوت چاڤ شه‌رم دکه‌ت


ده‌ڤێ ریڤی نه‌گه‌هشته‌ تری گوت ئه‌ڤ تریه‌ طرشه‌


ده‌یکا حه‌فت کورا لبه‌ر دیوارا مر


ده‌رزیکێ چاڤێت هه‌ڤالێ خودا دبینی به‌لێ گێسنی دچاڤیت خودا نابینی


ده‌رمانێ چ ژ نه‌هاتنێ شوکر ژ خودێ یه


ده‌رمانێ خواستنێ دانه‌


ده‌ست ده‌ستا دنیاست


ده‌ستێ لبن به‌ری


ده‌سته‌ک بتنێ ده‌نگ ژێ ناهێت


دوژمنێ ب ئاقل چێتر ژ هه‌ڤالێ بێ ئاقل


دونیا بو دوو برا ما وانژی پێک نه‌دکر


دونیا بو که‌سێ نه‌مایه


دونیا دبیت بوصت نه‌یار نابیت ده‌ست


دوو سه‌رێت به‌رانا قازانه‌کێ دا نا که‌لن


ریڤی گوت خوزی ئه‌ز برایێ بچیک نه‌بام


ریڤی لبه‌ر کونا خو یێ خورته


ریڤی نه‌چو کونێ ڤه‌ زه‌نگله‌ک ب سه‌رێ کوریا خوڤه‌کر


رێباز نه‌ داره‌ و نێرگز نه‌ بوهاره‌ و کچ نه‌ شینواره


رێبه‌رێ مالا مه‌ عه‌لویه‌ له‌وا حالێ مه‌ هویه


رێک ب هه‌ڤال ڤه‌ یا خوشه‌


رێکا گایی هه‌ر گه‌لیی یه


راستی شیرێ خودێ یه


رحمه‌ت لگورا کفن دزی


رسق ئێکه‌ نابیت دوو


رسقا هارا ل دینایه


ره‌زێ بێ خودان به‌ری ناده‌ت


ره‌شو بده‌ستێ خوه‌ ئه‌گه‌ر دێ ئاڤ ته‌به‌ت


ره‌شکه‌ دلێ خودانێ خوه‌ش که


رویێ ره‌ش هه‌وجه‌ی طه‌نیێ نیه‌ تو لێبدی


روژ دچن به‌لێ به‌لا ناچن


روژا خوش نه‌ده‌ بیا نه‌خوش


زیره‌کی نه‌ ب مه‌زن و بچیکی یه


زێرنگر زێرێ خو دنیاست


زادێ روهن ژ کێم دانی یه


زانیین روناهیه‌ نه‌زانین تاریه


زگ تێره‌ شانه‌دێره


زه‌لام ب مویا ژن ب رویا


زک قازنه‌کا نیسکێ حه‌وینیت به‌لێ ئاخفتنه‌کێ ناحه‌وینیت


زکێ برسی تێر دبیت به‌لێ چ جار چاڤ تێر نابیت


زکه‌کێ تێر چێتره‌ ژ هزارێت برسی


ژ وه‌لیا دبنه‌ خولی و ژ خولیا دبنه‌ وه‌لی


ژمێرا نه‌ ترسه‌ ژ پیسا بترسه‌


ژن ژی هه‌نه‌ ژنکوک ژی هه‌نه


ژن گیزه‌ صه‌دا ئێک عه‌زیزه‌


ژن هه‌می گاڤا ژنه‌ به‌لێ مێر هه‌می گاڤا مێر نینه‌


ژنێ جوان زه‌لامێ لاو دڤێت


ژنێ نه‌ بژێره‌ عه‌سل خێره


ژنا بینه‌ ژ عسلیا ئاڤێ بینه‌ ژ کانیا دا بینی عه‌جێبیا


ژنا پیرا به‌ وه‌کی میرا به


ژنا چ به‌ختێ خو نینه


ژنا خراب به‌رده‌ و مێرێ خراب ده‌رده


ژنبابێ کافر بابێ ئه‌ز برسیمه‌ لبه‌ر دولابێ، راوسته‌ مه‌ توڤێ ئاڤێتی هه‌تا شین بیت و زه‌ر بیت و بدرین


سڤکا دایێ داپیره‌ و سڤکا بابێ باپیره‌


سیار حه‌تا نه‌که‌ڤیت نابیت سیار


سیارێ خه‌لکێ هه‌ر یێ په‌یایه‌


سێ تاڤیێت بارانێ ناڤ به‌ینا نیسان و گولانێ چیتره‌ ژ باگردانێ زێری ل نیڤه‌کا دیوانێ


سێ تشت هه‌نه‌ بێ باوه‌ره‌: مار ، ئاڤ ، ئاگر


سێ گدی باب هه‌نه‌ دنێ ئێک ئه‌وه‌ یێ ژئه‌ڤرازیا کێشیت تیتنێ ‌ویێ بچیت رێکێ تنێ وئه‌وێ لبن ئه‌مرێ ژنێ


سێنیکا مروڤی یا شکه‌ستی چێتره‌ ژ یا جیرانی بخازی


ساخ بن شینا خه‌نجه‌را به‌لێ ساخ نابن شینا خه‌به‌را


سال زڤری سالێ گوت خوزیکێت پار


سلاڤ ل حازرا


سه‌ر لبه‌ر منه‌تا بلا بچیته‌ زیاره‌تا


سه‌ر مه‌زن پێ بچیک خوزیا ل وێ مالا تو لێدبی بیک


سه‌رێ به‌ره‌ڤانا هه‌ر یێ شکه‌ستی یه‌


سه‌رێ دره‌وینی هه‌ر یێ شوره


سه‌رێ سه‌ر به‌ر نه‌ ئێشت بلا به‌ر به‌را بکێشیت


سه‌رێ نه‌ ئێشیت نه‌ هه‌وجه‌ی چ ده‌رسوکانه‌


شینا شێرا ریڤێ لێ دکن گێرا


شێر نابیت رێڤی


شێر هه‌ر شێره‌ چ ژنه‌ چ مێره‌


شێرێ جاره‌کێ به‌ نه‌ به‌ رێڤیێ هزار جارا


شریناهیا دارا ژ به‌لگا نه‌


شه‌ڤێت جه‌ژن ژار ژی ده‌وله‌مه‌نده


شه‌باشا بده‌ پاشی بره‌قصه


شه‌بکێ به‌ر ره‌بکا


شه‌رێ ژن و مێرا هه‌تا وه‌ختێ نڤستنێ


شه‌قلو شه‌ما مال بو مه‌ ما


شه‌لوال شینو چ ل مال نینو


شول بازنێ ده‌ستێ زه‌لاما یه


شول شێره‌ ئه‌گه‌ر مروڤی کر دێبیته‌ رێڤی


شولێ ئه‌ڤرو نه‌هێله‌ بو سوبه‌هی


شولکه‌رێ خوبه‌ خوشتڤیێ خه‌لکێ به


صاڤار ئالیا مێرا نه


صه‌ ب به‌را ، مار ب دارا


صه‌ دره‌ویت کاروانی دبوریت


صه‌یێ گوندێ خوبه‌ نه‌ ئاغایێ گوندێ خه‌لکێ به


صه‌د گوتن گوری کریاره‌کێ بن


صه‌د کولاڤ ب ئاڤێدا بچن به‌س یێ مروڤی دگه‌ل نه‌بیت


صورا خو صوتن سپیا خو فروتن ره‌ش ئه‌سمه‌را دلێ لاوکا صوتن


صوفی صوفیێ به‌رێ کچێت وان دخار دخار هشیاربن دێبێژن مه‌ چ نه‌خار


طرا فه‌قیری یا بده‌نگه‌


عه‌جه‌لا بزنێ هات چو نانێ شڤانی خوار


عه‌ر گورگورێ دکه‌ن به‌لێ هه‌میا باران ژێ ناهێت


فه‌لێ پیر موسلمان نابیت


قیتێ ئه‌ڤرو نه‌هێله‌ بو سوبه‌هی


قازی هه‌ر قازی هه‌ر که‌سه‌ک ژ خو رازی یه‌


قر قر و ژبن بر


قه‌برێ سواری هه‌ر یێ کولایه‌


قه‌نجی هه‌می گاڤا نه‌ یا باشه‌


قه‌نجیێ بکه‌ لێ خه‌به‌ر نه‌ده‌


قوه‌تا دوژمنێ خو بزانه‌ پاشێ شه‌رێ وی بکه‌


گاڤانه‌کێ سه‌ربه‌ست ب اخایێکێ بن ده‌ست نه‌به


گازیا لده‌یڤ گورگی یه‌


گر به‌ دا یێ گراڤیبی


گرارا ب دوو کابانیا یا بێ خوێ یه‌ یان یا سیره


گه‌لحیێ کیر بێ ئاڤ نا بیت


گوت کورو یێ ژکی گوتێ هێشتا من ژن نه‌ ئیناده‌


گوتێ پیرێ ته‌ ئاقل یان سه‌ر بور، گوتێ ئه‌گه‌ر سه‌ربور ب سه‌رێ من هاتن ئه‌ز دێ بئاقل که‌ڤم


گوتنێن مه‌زنا نه‌خشێ لبه‌را نه‌


گورگ و مهـ پێکڤه‌ ناچه‌رن


گوزکێ نیه‌ ئاڤ تازیه


گوندێ بتفاق بیت ملله‌ته‌ک نه‌شیتێ


گونده‌که‌ و گوندوره‌که


گوهێ خو نه‌ده‌ته‌ مه‌زنا دێ لێهێن شاخێت مه‌زنا


ل بن سیبه‌را شه‌ری بلا شێر ته‌ بخوت


ل ناڤ دیوانا پر بێژ نه‌به‌


لێهاتن ژ ژێهاتنێ چێتره


لومه‌ کرن جه‌ربه‌ کرن


میرێ من بوری


میربه‌ په‌لاڤێ بخو


مێر بێ ژن جار دبیت ژنا بێ مێر هاردبیت


مێر ژنا خو حێجه‌ت که‌ت گوتێ تو خو لبه‌ر بێژینگێ دهه‌ژینیت


مارێ ره‌ش نه‌ ئارینه


مالێ قه‌لسی و مه‌ردی هندی ئێک دچیت


مالێ منه‌ و وارێ منه


مالێ نه‌که‌ بو کورێ قه‌نج و خراب


مرن هه‌با پیری نه‌با


مرنا بله‌ز چێته‌ر ژ مانا ره‌زاله‌ت


مرنا هه‌ڤال خوشتره‌ ژ داوه‌تا بێ هه‌ڤال


مروڤی دمریت ده‌ین نامرن


مروڤی کور نه‌بیت بسه‌رێ کچێ سویند دخوت


مروڤێ بێ ژن وه‌کی دارا بێ خه‌مله‌ و بێ به‌ره‌


مروڤێ زک ره‌ش نه‌یارێ خویه‌


من چاڤێ ره‌ش بوته‌ نه‌ کلداینه


من کر و ته‌ کر بێ ئاقلا فه‌یده‌ کر


مه‌ ژنه‌ک ئینات بله‌ز و به‌ز مه‌ لێدان ره‌ز و په‌ز سڤکا مالێ هه‌ر بوم ئه‌س


مه‌زنا چ بو بچیکا نه‌ هێلایه


مه‌زناهی ژ هه‌می که‌سێ ناهێت


مه‌سین ئاڤێ ل خو ناکه‌ت


مه‌شکا رێدا هه‌چی هات حنگه‌ک لێ دا


نیهاتن که‌ڤن خه‌لاتن


نانێ ئێکێ دئاڤێدا چوو گوت بلا بخێرا بابێ من بیت


نانێ خو بخو ب ئاڤێ منه‌تا خه‌لێ ب هاڤێ


نانێ مێرا بێ منه‌ته


نانێ نه‌که‌را چ عه‌ردا نینه‌


نه‌ ئه‌و سیکه‌ و نه‌ ئه‌و بازاره


نه‌ عه‌ورێ گورگوری نه‌ زه‌لامێ تر تری


نه‌یارێ بابێ نابیت دوستێ کوری


نه‌بێرا بزنا و نه‌دیوانا ژنا


نه‌با خویا هه‌می گرارا


نه‌به‌ سه‌رشکێنێ به‌ر ئاقارا


نه‌چه‌ سه‌ر ده‌رێت بلند دا نه‌که‌ڤی


نه‌چه‌ وی عه‌ردێ یێ ته‌ که‌سێ خو لێ نه‌بیت


نه‌ختێ گران مال وێرانه‌


نه‌گوندێ بێ ره‌ز نه‌ کینێ بێ په‌ز نه‌ ئه‌و که‌سێ بێژیت ئه‌ز و ئه‌ز


هیڤیا خه‌لکێ ئاڤا لسه‌لکێ


هیڤیا لده‌را خولیا بسه‌را


هه‌تا بێم و بێمه‌ڤه‌ دێ که‌م و ‌هێمه‌ڤه‌


هه‌تا مرنێ هه‌ر کرنێ


هه‌تا نیڤه‌کا ده‌ستی ره‌ش نه‌بیت طاما ده‌ڤی خوش نابیت


هه‌ر ئه‌ڤرازیه‌کێ نشیڤیه‌ک یا هه‌ی


هه‌ر به‌ره‌ک جهێ خو یێ بقه‌دره‌


هه‌ر تشته‌ک ب گه‌رمی یێ خوشه‌


هه‌ر ده‌ف وی یێ ته‌ بگرینیت نه‌چه‌ ده‌ف وی یێ ته‌ بکه‌نینیت


هه‌ر سیکه‌کێ بازاره‌ک یێ هه‌ی


هه‌ر سه‌ره‌کێ ئاقله‌ک یێ هه‌ی


هه‌ر که‌زیزه‌ره‌کێ سمبێل سوره‌ک یێ هه‌ی


هه‌ر که‌سه‌ک شولێ خو، هه‌ر مێره‌ک و ژنا خو، هه‌ر رێڤیه‌ک و کونا خو


هه‌ره‌ رێکێ بلا دیربیت بده‌ بوری بلا کیربیت وکچێ بینه‌ بلا پیر بیت


هه‌که‌ گول نه‌بی نه‌به‌ ستری


وی به‌ری نه‌ راکه‌ ئه‌وێ تو نه‌شیێ


واهه‌ هرچه‌ ئه‌ڤه‌ ده‌وسا وێ یه‌


وه‌کی ریڤیێ کوریا وی صه‌د عه‌ردارا بستایی


وه‌کی سماقا شیشتی یه


کۆریا ریڤی شاهدێ ریڤیه‌


کی جحتێ بلا ئه‌و بجیت به‌ر


کی مڤایه‌ ئه‌و برایه


کتکێ جاڤ به‌له‌کێ مێهڤان خوشن شه‌ڤه‌کێ


کچ ته‌شیا دایێ درێسیت


کچ مالێ خه‌لکێ یه‌ کور گویێ زێرینه


کچ نه‌ خریه‌ دای ستی یه


کچا قه‌ره‌چ نابیته‌ خاتین


کچا گوهدار چێتره‌ ژ کورێ نازدار


که‌چه‌ل ب ده‌وله‌مه‌ندن کوره‌ ب نه‌عله‌تن


که‌ر بهنا گولێ نزانیت


که‌ر نینه‌ یێ پسیارا کورتانێ دکه‌ت


که‌رێ ژارا گورگا خوار


که‌رو نه‌مره‌ هه‌تا قیڤار شیندبن


که‌س ب خوزیا نه‌گه‌هشته‌ جوتێت که‌زیا


که‌س پله‌کێ نه‌گه‌هشته‌ سه‌رێ ملێ


که‌س رزقێ که‌سێ نزانیت


که‌س روژه‌کێدا نه‌بویه‌ مه‌لا


که‌س نابێژیت دوشاڤا من یا ته‌حله


که‌س نابێژیت ماصتێ من طرشه‌


که‌س نابێژیت کا بابێ ته‌ هه‌ر دبێژن کا ده‌یکا ته‌


که‌سێ ده‌ستێ خوش مێرا نه‌ گرته


که‌سێ نانێ کولانا نه‌خواره


که‌سێ کچا خو نه‌دایه‌ ب کورێ خه‌لکێ


که‌نیا بێ سه‌به‌ب ژ کێم ئاقلیێ یه


که‌نیا بێ هه‌ڤال وه‌کی که‌رێ بێ هه‌فسار


که‌و دوژمنێ که‌ویه‌ و خه‌لک هه‌می دوژمنێ که‌وی یه‌


که‌و وارێ خو ژبیر ناکت


که‌و کیرێ خوشه‌ ؟ گوت ئه‌و جهێ ئه‌س لێ بومه‌ فه‌رخ


که‌وێ نزارا جاب دا جوتیارا


کور تالان ڤه‌گێره‌ و کچ تالان بره


کوره‌و ته‌ چ دڤێت دورکه‌کا دوهن دایی و دوو چاڤێت روهن


کورکێ خو ترارێ مێرا نه‌ده